You are here

Спачуваньне Польскаму народу

Katyn10 красавіка актывісты Беларуска-Эўрапейскага Задзіночаньня наведалі Польскую Амбасаду ў Брусэлі і выказалі свае спачуваньні з прычыны трагічнай гібелі прэзідэнта Польшчы Леха Качыньскага і польскай эліты, якая накіроўвалася на ўшанаваньне памяці ахвяраў Катынскай трагедыі.

Зазначаючы неардынарнасьць сітуацыі, калі ў адну хвіліну Рэспубліка Польшча пазбавілася ўсяго вышэйшага кіраўніцтва, сябры БЭЗу выказваюць сваю занепакоенасьць тым, што прычыны сёньняшняй трагедыі могуць быць не проста жахлівым зьбегам абставін, але спланаванай антыпольскай акцыяй.

Толькі незалежнае ад Расеі расьсьледаваньне можа праліць праўдзівае сьвятло на гэтую сумную падзею. Абяцаньні ж расейскага прэзідэнта, што яны будуць шчыльна супрацоўнічаць з польскім бокам ў справе сьледства, сумніўныя, паколькі Расея зацікаўленая ў тым, каб схаваць праўдзівыя прычыны катастрофы, калі апошнія не зьяўляюцца спрыяльнымі для яе. Як старая Катынская трагедыя была старанна хаваная ад сусьветнага грамадства, так і новая Катынь рызыкуе застацца нераскрытай.

Беларускія палітычныя ўццекачы з сэрцам поўным смутку і гора ўсклалі да Польскай Амбасады ў Брусэлі кветкі з жалобнай стужкай і запалілі зьнічак ў памяць загіблых у страшнай авіякатастрофе.

Вечная памяць ахвярам Катыні, як старым, так і новым!

Навіны дыяспары: