Дзень беларускай салідарнасьці

У Гаазе 16 кастрычніка сябры Беларуска-Эўрапейскага Задзіночаньня Бэльгіі і Францыі пры падтрымцы раднага БНР Зьмітра Піменава, прынялі ўдзел ў пікеце салідарнасьці, арганізаванага грамадзкай ініцыятывай «Мы памятаем». Падчас акцыі адбыўся распаўсюд чарговага інфабюлетня.

Дзень салідарнасьці

Кожны месяц 16 як у Беларусі, так і ў шмат якіх краінах сьвету праводзіцца Дзень Беларускай Салідарнасьці. Больш за 10 год таму ў Беларусі адбылася серыя зьнікненьняў і сьмерцяў вядомых палітыкаў і журналістаў, выступаючых супраць дыктатуры Лукашэнка. Некаторым са зьніклых былі вядомы мэханізмы, што прывялі да ўлады пракрамлёўскую дыктатуру, і гэта зьяўлялася адной з галоўных прычынаў іх забойства, як непажаданых сьведкаў.

Тайна гэтых зьнікненьняў і сьмерцяў без сумневу знаходзіцца ў кабінэтах КДБ-ФСБ. Таму, пакуль ў Беларусі ва ўладзе стаіць пракрамлёўская мафія, няма надзеі на тое, што вінаватыя ў гэтых злачынствах будуць пакараныя. Некаторыя службовыя асобы, што прыймалі ўдзел ў дасьледваньні гэтых злачынстваў, атрымалі выгодныя працоўныя месцы ў камэрцыйных структурах, створаных расейскімі спэцслужбамі. Дабрасумленныя ж сьледчыя мусілі прасіць палітычнага прытулку ў дэмакратычных краінах, каб захаваць сваё жыцьцё. Шэраговыя ж ваканаўцы злачынных загадаў ніколі ня будуць мець магчымасьці атрымаць прытулак ў эўрапэйскіх краінах, бо яны прыраўноўваюцца да ваенных злачынцаў.

Напярэданьні прэзыдэнцкіх выбараў крамлёўскія шэфы беларускага дыктатара распачалі імітацыю шантажу і застрашэньня сваёй марыянэткі з мэтай зрабіць яе больш згаворлівай і саступлівай. Тым самым складаецца ўражаньне для наіўнага электарату і палітыкаў-папулістаў, што Лукашэнка – самастойная палітычная фігура, якая адстойвае беларускія цікаўнасьці. Рэальная ж сытуацыя абсалютна іншая! За часы свайго кіраваньня Лукашэнка зрабіў усё, каб поўнасьцю зьнішчыць беларускую дзяржаўнасьць. Беларускія дзяржаўныя сымбалі былі замененыя на сымболіку савецкіх часоў. Праводзілася і праводзіцца брутальная русіфікацыя краіны. Сыстэма адукацыі зьнішчана. Эканоміка Беларусі наўпрост зьвязаная з пастаўкамі расейскіх энэрганосьбітаў, што робіць яе залежнай ад капрызаў крамлёўскіх алігархаў.

Выконваючы загады сваіх крамлёўскіх куратараў, Лукашэнка зьмяніў Канстытуцыю краіны і перапісаў выбарчы кодэкс, ператварыўшы любыя выбары ў Беларусі ў палітычны фарс. Ліберальная палітыка эўрапэйскіх бюракратаў, кіруемых сваімі прагматычнымі мэтамі па перапродажу расейскай вуглевадароднай сыравіны, прывяла да фактычнай змовы часткі карумпаваных эўрапэйскіх палітыкаў з мафіяй ў Крамлі. Па загадзе крамлёўскай мафіі з удзелам нямецкіх спэцслужбаў была праведзена маштабная апэрацыя па разбурэньню дэмакратычных партыяў і грамадзкай супольнасьці ў Беларусі. Такім чынам была замацавана манаполія на палітыку за крамлёўскай марыянэткай – Лукашэнка.

Палітычны наіў слабой беларускай дэмакратыі прыводзіць да ўродлівай формы палітычнай актыўнасьці, што спрыяе дыктатарскаму рэжыму. Спробы гуляць па дэмакратычных правілах ва ўмовах мафіёзнага кіраваньня краінай заўсёды будзе прыводзіць да паразы дэмакратычных сілаў.
Гульня ў дэмакратыю па правілах дыктатуры звычайна прыводзяць да банкруцтва палітычнага даверу!

Ігнараваньне ідэалаў свабоды і дэмакратыі ў інтарэсах транснацыянальных мафіёзных груповак заўсёды прыводзіла да сусьветнай нестабільнасьці, а ў некаторых выпадках да ўзброеных канфліктаў і мільёнаў чалавечых ахвяраў ні ў чым ня вінаватых жыхароў Эўропы.

Гора ня можа быць чужым