warning: Creating default object from empty value in /customers/2/d/0/bielarus.eu/httpd.www/modules/taxonomy/taxonomy.pages.inc on line 34.

Палітыка, Грамадзтва

Беларуская бібліятэка ў Антвэрпане.

Бібліятэка пры беларускай грэка-каталіцкай парафіі ў горадзе Антвэрпане існуе ўжо на працягу некалькіх год. Галоўную частку кнігаў складаюць творы беларускіх пісьменьнікаў, ахвяраваныя прадстаўнікамі пасьляваеннай беларускай эміграцыі.

Чарговая акцыя пратэсту ў Бэльгіі

Чарговая акцыя пратэсту насупраць беларускай амбасады ў Бэльгіі адбылася ў панядзелак раніцай а 9 гадзіне. Напярэданьні акцыі актывісты Беларуска-Эўрапейскага Задзіночаньня распаўсюдзілі інфармацыйныя ўлёткі, таму падтрымаць акцыю прыйшлі таксама жыхары Брусэлю.

Пікеты каля амбасады Беларусі ў Бэльгіі

Беларусы Бэльгіі і Францыі пачалі акцыі пратэсту супраць гвалтоўнага разгону мірных дэманстрантаў у Беларусі ў Дзень Волі.

Акцыя пратэсту ў Брусэлі

27 сакавіка беларусы Бэльгіі ладзілі пікет насупраць беларускай амбасады ў Брусэлі. Акцыя адбывалася з дазволу бэльгійскай паліцыі, якая адсочвала сытуацыю і з паразуменьнем паставілася да праблемы ў Беларусі. Удзельнікі акцыі намагаліся перадаць ў амбасаду петыцыю пратэсту супраць гвалту, што меў месца падчас разгону мірнай дэманстрацыі ў Менску, а таксама патрабаваньне неадкладнага вызваленьня ўсіх затрыманых удзельнікаў Сьвята Беларускай Незалежнасьці.

Акцыя пратэсту ў Брусэлі

27 сакавіка а 10 гадзіне насупраць беларускай амбасады ў Брусэлі сабрамі Беларуска-Эўрапейскага Задзіночаньня ладзіцца пікет пратэсту супраць беспадстаўных арыштаў і зьбіцьця ў Беларусі моладзевых актывістаў і журналістаў. Удзельнікі акцыі маюць намер перадаць ў амбасаду пэтыцыю з патрабаваньнем неадкладнага вызваленьня ўсіх арыштаваных удзельнікаў вулічных акцыяў і спыненьня рэпрэсіяў супраць беларускага народу.

ПРАТЭСТ

Беларуская дыяспара ў Каралеўстве Бэльгія заяўляе рашучы пратэст супраць масавага зьбіцьця беларускіх грамадзянаў, што мела месца падчас сьвяткаваньня Дня абвяшчэньня незалежнасьці Беларускай Народнай Рэспублікі 25 сакавіка ў Менску.

Сьвята Добрай Весткі!

Зноў Дваццаць Пяты Сакавік,
Дзень Беларускі, наш, усіхны.
Зайграў ён павадкай крыві
Калісьці ў нас, і граць ня сьціхне!...

Натальля Арсеньнева

25 сакавіка, у сьвята Дабравешчаньня, ўвесь сьвет радуецца добрай вестцы, якую Анёл Божы прынес Дзеве Марыі. Для нас, беларусаў, гэты дзень прынес яшчэ адну добрую вестку - у гэты дзень у 1918 годзе адбылося абвяшчэньне Беларускай Народнай Рэспублікі!
'

Дзень Волі ў Бэльгіі

У Бэльгіі Дзень Волі пачаўся з ранішняй малітвы за Беларусь у грэка-каталіцкай царкве ў Антвэрпэне.

Сьвяткаваньне 90-х угодкаў БНР

25 сакавіка беларуская грамада Бэльгіі традыцыйна ладзіць сьвяткаваньне угодкаў утварэньня Беларускай Народнай Рэспублікі.

Сьвяткаваньне мае распачатца з малітвы ў Беларускай Грэка-Каталіцкай Царкве гораду Антвэрпану. Пасьля сьвяточнага набажэнства адбудзецца ўскладаньне кветак да помніку невядомаму жаўнеру ў горадзе Брусэлю (Place du Congrès).

Сьвяточная вечарына, прысьведчаная Дню Незалежнасьці, будзе ладзіцца ў адной з прыватных кавярняў гораду Антвэрпан.

Запрашаем усіх Беларусаў далучыцца да сьвяткаваньня.

Аргкамітэт БЭЗу

Ракіроўка

2 сакавіка беларускімі палітычнымі ўцекачамі Бэльгіі і Францыі плянавалася правесьці пікет насупраць расейскай амбасады ў Брусэлі з мэтай выказаць свой пункт гледжаньня датычна сытуацыі ў Ресеі і інфармаваць жыхароў эўрапейскай сталіцы аб небяспецы, якая сыходзіць ад злачыннай ўлады Крамлю. З тэкстам улёткі, якая была адмыслова падрыхтаваная аргкамітэтам Беларуска-Эўрапейскага Задзіночаньня, мы знаёмім наведвальнікаў нашага сайту.

Жалобнае спачуваньне сям’і Казуліных

23 лютага да Бэльгіі дайшла жалобная навіна пра заўчасную сьмерць спадарыні Ірыны Казулінай, зь якой тутэйшая беларуская грамада мела шчасьце пазнаёміцца год таму ў Еўрапарлямэнце ў Брусэлі. З гэтай журботнай нагоды выказваем шчырыя спачуваньні спадару Аляксандру Казуліну і усёй ягонай сям’і, на долю якой за апошні час выпала так шмат жахлівых выпрабаваньняў. Сьветлай памяці спадарыня Ірына прадстала перад намі як мужная і, адначасова, сьціплая жанчына, высокай інтэлігентнасьці і прывабнай простасьці. Навіна пра яе адыход у Вечнасьць моцна кранула нашыя сэрцы і напоўніла шчырым смуткам. 24 лютага, зграмаджоныя ў Беларускай Грэка-Каталіцкай Царкве ў Антвэрпане, беларусы маліліся за спачын яе душы ў шчасьлівым Нябесным жытлішчы, дзе ўсе сьвятыя спачываюць. Вечная ёй памяць і Нябеснае Валадарства!

Сустрэча з радным БНР

Падчас сустрэчы актывістаў Беларуска-Эўрапейскага Задзіночаньня і сябраў Сьвятога Язафату з радным БНР Янкам Жучкам, абмеркаваньня працы прадстаўнікоў БНР у Бэльгіі і сьвяткаваньня 90-х угодкаў утварэньня БНР, адбылася вельмі цікавая гутарка, і было ўзята інтэрвью, са зьместам якога мы знаёмім наведвальнікаў нашага сайту.

Сьвяточная ёлка ў Антвэрпане

Сьвяточная ёлка ў АнтвэрпанеЁлка, цацкі, гірлянды, Сьвяты Мікалай, вершы й сьпевы, падарункі... Ці магчыма бяз гэтага ўявіць Каляды? Напэўна, ніводнае іншае сьвята не чакаюць дзеці з такім нецярпеньнем, як Сьвята Божага Нараджэньня.

Беларусы ў Францыі супраць візыту Пуціна (Падрабязнасьці)

14 лістапада ў Парыжу насупраць расейскай амбасады адбылася акцыя пратэсту супраць прыезду ў Менск прэзідэнту Расеі У. Пуціна і массавых арыштаў удзельнікаў акцый пратэсту ў Беларусі.

Беларусы ў Францыі супраць візыту Пуціна (update+photo)

Сёньня прадстаўнік Беларуска-эўрапейскага задзіночаньня ў Францыі Павал Хівук перадаў ад імя арганізацыі ў амбасаду Беларусі ў Парыжы ліст з пратэстам супраць прыезду ў Беларусь Уладзімера Пуціна і зьвязаных з гэтай падзеяй разгонаў акцыяў паратэсту ў Менску і Берасьці.

У пэтыцыі ўтрымліваецца патрабаваньне неадкладна вызваліць берасьцейскіх актывістаў дэмакратычнага руху і пакараць вінаватых у жорсткім разгоне акцыі пратэсту ў Менску.

Беларускую журналістку Вольгу Класкоўскую паранілі нажом

У сераду ўначы з нажавымі раненьнямі ў шпіталь варшаўскага раёну Бяляны трапіла беларуская журналістка Вольга Класкоўская – ёй наклалі швы і яе жыцьцю цяпер нічога не пагражае. Справай нападу на спадарыню Класкоўскую займаецца паліцыя.

Успамін продкаў у Бэльгіі.

Першага лістапада на могілках гораду Лёвэну ўжо традыцыйна сабраліся Беларусы, якія пражываюць у Бэльгіі і іншых краінах Эўропы. Мэтай іхняга прыезду было ўшанаваньне памяці памерлых і загіблых за незалежнасьць Беларусі.

Сьвятаром Беларускай Грэка-Каталіцкай царквы гораду Антвэрпану айцом Янам Майсейчыкам была адпраўлена паніхіда па сьвятой памяці спадару Міколе Равенскім і па ўсіх памерлых беларусах на чужыне і на Бацькаўшчыне.

Пра дзейнасьць вядомага беларускага кампазытара Равенскага ў Бэльгіі распавёў радны БНР спадар Янка Жучка, адзін са складальнікаў сусьветнавядомага беларускага хору

ДЗЯДЫ Ў БЭЛЬГІІ

Традыцыйнае ўшанаваньне Дзядоў у Бэльгіі адбудзецца 1 лістапада на магіле выдатнага беларускага кампазытара Міколы Равенскага ў Лёвэне. Паніхіда распачнецца аб 11-й гадзіне. Выезд ад Беларускай Царквы ў Антвэрпане а 10-й гадзіне раніцы. Кантактныя тэлефоны 0486/841.114 Аргкамітэт Супольнасьці “Сьвяты Язафат”

Кракаў: Дні беларускай культуры разбураюць стэрэатып Беларусі

Сёньня ў Кракаве завяршыліся Дні беларускай культуры, у часе якіх жыхары старажытнай сталіцы Польшчы маглі пазнаёміцца з сучаснай беларускай музыкай, літаратурай, даведацца больш пра гісторыю Беларусі.

Падрыхтоўка да Дзядоў

Беларусы Бэльгіі наведалі горад Лёвэн, дзе на мясцовых могілках знайшоў свой апошні прытулак сусьветнавядомы беларускі кампазытар Мікола Равенскі.

Эўрaпейскaя салідарнасьць зь Беларусьсю

На знак салідарнасьці з суайчыньнікамі ды імкеньнямі беларусаў стаць паўнапраўнымі эўрапейцамі, у розных гарадох Эўропы адбыліся акцыі падтрымкі дэмакратычнай Беларусі.

Беларуская салідарнасьць

Пікет які быў заплянавана на 14 кастрычніка на знак салідарнасьці з удзельнікамі Эўрапейскага Марша на Беларусі, не змог адбыцца па тэхнічных абставінах. У Беларускай Грэка-Каталіцкай царкве ў Антвэрпэне адбыўся малебен за ўсіх змагароў за вольную Беларусь.

Акцыя ў падтрымку Эўрапейскага маршу адбылася ў цэнтры Прагі

Да помніка сьвятому Вацлаву, патрону чэскай зямлі, на Вацлаўскую плошчу прыйшлі сябры беларускіх суполак, студэнты.

Эўрапейскі марш прайшоў вуліцамі Варшавы

Эўрапейскі марш прайшоў сёньня і ў Варшаве. Беларусы, якія жывуць у польскай сталіцы, а таксама жыхары Варшавы прыйшлі падтрымаць удзельнікаў маршу ў Менску.

Апазыцыянэра амаль не дэпартавалі з Францыі

Беларускі апазыцыянэр Віктар Брэль, якому адмовілі ў палітычным прытулку ў Францыі, у апошнію хвіліну пазьбегнуў дэпартацыі. Яго выратавала дапамога Эўрапейскага трыбуналу правоў чалавека.