З мэтай выказаць сваё абурэньне на супрацоўніцтва нямецкага ўраду з беларускімі карнымі структурамі актывісты Беларуска-Эўрапейскага Задзіночаньня падалі заяўку на правядзеньне пікету насупраць нямецкай амбасады ў Брусэлі. Акцыя мае адбыцца 21 верасьня.

Беларусы Бэльгіі заклікаюць усіх беларускіх актывістаў у замежжы далучыцца да акцыі і пікетаваць нямецкія амбасады ва ўсіх краінах Эўропы.

За дадатковай інфармацыя зьвяртацца па адрасе mironkryvich@pandora.be

БЭЗ-Інфа

26 красавіка актывісты Беларуска-Эўрапейскага Задзіночаньня зладзілі інфармацыйны пікет ля беларускай амбасады ў Брусэлі. Падчас акцыі была распаўсюджана некалькі сотняў інфармацыйных бюлетэняў БЭЗу на французкай і ангельскай мовах аб аварыі на Чарнобыльскай АЭС і яе наступствах, а таксама аб небяспецы, якая сыходзіць ад будаўніцтва атамнай электрастанцыі па расейскім праекце ў Беларусі.

26 красавіка жалобны дзень ў Беларусі.
У гэты дзень актывісты Беларуска-Эўрапейскага Задзіночаньня ладзяць пікет насупраць беларускай амбасады ў Брусэлю, каб чарговы раз зьвярнуць увагу жыхароў эўрапейскай сталіцы на небясьпеку, якая можа сыходзіць ад неахайнага абыходу з атамнай энергетыкай.

Галоўным лёзунгам акцыі мае стацца заклік да эўрапейскіх палітыкаў зрабіць усё магчымае, каб кіраваньне "мірным атамам" не папала ў рукі да вар'ята.

Пачатак акцыі аб 12 гадзіне

За дадатковай інфармацыяй зьвяртацца на эл. адраc:

mironkryvich@pandora.be

Пікетоўцы выйшлі да будынку Эўракамісіі з плякатамі і бел-чырвона-белымі сьцягамі.

25 студзеня беларусы Францыі, Бэльгіі і Нямеччыны правялі інфармацыйны пікет ля будынку Парлямэнцкай Асамблеі Рады Эўропы ў Страсбурзе. Галоўнай мэтай правядзеньня акцыі было заклікаць эўрапейскіх палітыкаў “абудзіць сумленьне” і спыніць “імітацыю барацьбы з дыктатурай у Беларусі!”

Парлямэнцкая асамблея Рады Эўропы (ПАРЭ) 25 студзеня плянуе абмеркаваць сытуацыю ў Беларусі.

Абмеркаваньне беларускага пытаньня мае распачацца а 10 гадзіне, а ад 9 раніцы актывісты Беларуска-Эўрапейскае задзіночаньня маюць распачаць інфармацыйны пікет перад будынкам ПАРЭ з заклікам да прадстаўнікоў Рады Эўропы « Спыніць імітацыю змаганьня з дыктатурай ў Беларусі!».

Дарагія сябры! Ужо больш за 2 месяца знаходзіцца пад сьледствам беларускі патрыёт Сяргей Каваленка. Яго вінавацяць паводле артыкула 415 «Ухіленьне ад адбываньня пакараньня» за парушэньні рэжыму падчас «хатняй хіміі», прысуджанай актывісту ў 2010 годзе за тое, што 7-га студзеня ён вывесіў на гарадзкой навагодняй ёлцы ў Віцебску бел-чырвона-белы сьцяг.

Пакуль Сяргей Каваленка трымае галадоўку пратэсту ў сьледчым ізалятары, яго жонка Алена сама спраўляецца з двума малымі дзецьмі.

Беларускія актывісты ў эміграцыі заклікаюць ўсіх сумленных беларусаў дапамагчы сям’і Сяргея Каваленкі.

4 студзеня беларукі палітычны актывіст Зміцер Піменаў на знак салідарнасьці са зьняволеным Сяргеем Каваленкам паспрабаваў правесьці пікет насупраць беларускай амбасады ў Бельгіі.

Гэта была ўжо другая акцыя за апошнія некалькі дзён, але нажаль і яна скончылася брутальным затрыманьнем Зьмітра Піменава супрацоўнікамі брусэльскай паліцыі, якія, як пабітыя сабакі, апускалі вочы да долу ад сораму, што ім прыходзіцца рабіць брудную справу па загаду свайго «ліберальнага» начальства.

Актывістамі Беларуска- Эўрапейскага задзіночаньня быў праведзены інфармацыйны пікет у падтрымку двух маладых людзей бяздоказна абвінавачаных у зьдзяйсненьні тэракту ў мінскім метро –Канавалава і Кавалёва. Акцыя была накіравана таксама супраць сьмяротнага пакараньня ўвогуле як праява дзікунства і барбарства. Пікетоўцы трымалі плакат з выявамі абвінавачаных і надпісам «Уратуйце іх жыцьці». Была распаўсюджана вялікая колькасьць інфабюлетнёў на ангельскай, французкай і фламанскай мове.

Актывісты Беларуска-Эўрапейскага задзіночаньня правялі інфармацыйны пікет у падтрымку двух маладых людзей, якіх вінавацяць у зьдзяйсьненьні тэракту ў менскім мэтро. Пікетоўцы трымалі плякат з выявамі абвінавачаных і надпісам "Уратуйце іх жыцьці".

Сёньня беларусы Бэльгіі адзначылі чарговую гадавіну Слуцкага Збройнага Чыну. У Беларускай Грэка-Каталіцкай царкве Антвэрпана у часе Літургіі адбылася малітва за Слуцкіх паўстанцаў і ўсіх беларускіх герояў і пакутнікаў, аддаўшых свае жыцьці за волю і незалежнасьць Бацькаўшчыны. Радны БНР айцец Ян Майсейчык зачытаў зварот Старшыні Рады БНР Івонкі Сурвілы, у якім падкрэслівалася, што менавіта Слуцкія паўстанцы ў сваім адчайным і няроўным змаганьні з бальшавіцкаю цемраю найбольш яскрава выявілі годнасьць Беларуса ў тыя жахлівыя часы.

Newsletter 08/10/2011 /ENG/NED/FR

With use of the state resources the Kremlin mafia established in the very centre of Europe a dictatorial regime bearing the characteristics of an occupation power. There is no state government in Belarus because all the power belongs to one tyrant who’s carrying out Moscow’s orders. The Belarusian people are being deprived of their elementary human rights guaranteed by international standards.

Выкарыстоўваючы нагоду Народнага сходу, беларусы Бэльгіі, Францыі і Нямеччыны правялі пікет у падтрымку палітзьняволеных у Беларусі.

Падчас пікету быў распаўсюджаны чарговы нумар інфармацыйнага бюлетня Беларуска-Эўрапейскага Задзіночаньньня на трох эўрапейскіх мовах.

Асаблівая ўвага была ськіраваная на тое, што злачынны рэжым у Беларусі выкарыстоўвае палітычных вязьняў як закладнікаў у гандлі з Эўропай.

Як вядома зь незалежных сродкаў масавай інфармацыі 8 кастрычніка ў Беларусі мае адбыцца Народны сход, арганізаваны апазыцыйнымі структарамі Беларусі.

Беларусы Бельгіі і Францыі плянуюць правесьці пікет на плошчы Шумана ў Брусэлі ад 12 да 15 гадзіны 8 кастрычніка.

8 верасьня 1514 годзе пад Воршай ля рэчкі Крапіўна 30-ці тысячнае войска ВКЛ сустрэла 80-ці тысячнае войска маскоўскае і здолела яго разбіць і прагнаць назад у Масковію.

Кіраўнік Цэнтру абароны правоў чалавека “Вольнасць і закон” Андрэй Жукавец паведаміў “Белсату”, што супраца беларускай і польскай пракуратуры не прыпынілася і зараз, пасля скандалу аб выдачы дадзеных Алеся Бяляцкага.

Па вызваленьні пасьля затрыманьня польскімі памежнікамі палітуцекач Зьміцер Піменаў, легендарны "Мірон", расказаў «Свабодзе» пра тое, што адбывалася зь ім у польскай паліцыі і пракуратуры.

У пракуратуры польскага Пшэмысьля беларускага палітуцекача апыталі і адпусцілі. Як паведаміў "Газэце Выборчай" прадстаўнік пракуратуры, у абвінавачанняў, якія вылучае Піменаву беларускі бок, скончыўся тэрмін даўнасці.

Нагадаем, што палітуцекача затрымалі ўначы з чацвярга на пятніцу польскія памежнікі. Піменаў з жонкай Кацярынай ехаў праз польска-ўкраінскую мяжу. Сам ён мае "жэнеўскі" пашпарт палітуцекача, жонка — грамадзянка Бельгіі. Беларусь абвясціла Піменава ў вышук па лініі Інтэрполу: яго вінавацяць у хуліганстве і вандалізме.

Актывісты Беларуска -Эўрапейскага задзіночаньня, абураныя апошнімі падзеямі на Радзіме, зладзілі інфармацыйны пікет насупраць будынка, дзе павінны знаходзіцца беларускія дыпламаты. Пікетоўцы трымалі плакаты з надпісамі «Каму служаць беларускія дыпламаты???» , « Stop kidnappings in Belarus” і «Freedom for politiсal prisoners in Belarus”.

Сябрамі Беларуска-Эўрапейскага Задзіночаньня быў зладжаны Інфармацыйны пікет ў Парыжы. Галоўнай мэтай пікету было інфармаваньне жыхароў Парыжа і шматлікіх турыстаў пра складаную палітычную сітуацыю на Беларусі і пра паўзучую палітычную і эканамічную акупацыю крамлёўскай мафіяй краін, якія абралі дэмакратычны шлях разьвіцьця.

26 красавіка ў Брусэлі на плошчы Роберта Шумана мае адбыцца пікет, прысьвечаны 25-ай гадавіне аварыі на Чарнобыльскай АЭС. Акцыя мае распачацца аб 11 гадзіне.

26 сакавіка беларусы Бэльгіі, Францыі і Нямеччыны сабраліся разам, каб адзначыць Сьвята абвяшчэньня Беларускай Народнай Рэспублікі.

У суботу 26 сакавіка Беларуска-Эўрапейскае Задзіночаньне у сулучнасьці з Раднымі БНР у Бэльгіі традыцыйна адсьвяткуе ўгодкі абвяшчэньня незалежнасьці Беларускай Народнай Рэспублікі - Дзень Волі.

Актывісты Беларуска-Эўрапейскага Задзіночаньня прынялі актыўны ўдзел у пікеце салідарнасьці, заарганізаваным сябрамі Фонду Абароны Дэмакратыі ў Беларусі імя Тадэвуша Касьцюшкі і актывістамі Грамадзянскай ініцыятывы « Мы памятаем». Пікет адбыўся ля будынку міжнароднага трыбунала. У мерапрыемстве таксама прынялі ўдзел пацярпелыя ў ноч 19 сьнежня. Падчас пікету былі распаўсюджаны інфармацыйныя бюлетні БЭЗ- Інфа.

Актывісты Беларуска-Эўрапейскага Задзіночаньня прынялі ўдзел у акцыі заарганізаванай Беларусамі Галяндыі. Пікет быў зладжаны насупраць будынку міжнароднага трыбунала ў Гаазе. У гэтым будынку адбываліся суды над міжнароднымі злачынцамі . Месца для пікету было выбранае не выпадкова, бо пікетоўцы лічаць, што беларускі дыктатар павінен скончыць сваё палітычнае жыцьцё на лаўцы трыбуналу. Прыняць удзел у акцыі салідарнасьці прыехалі беларускія уцекачы з розных гарадоў Эўропы, якія лічаць сваім абавязкам падтрымаць усіх, хто пацярпеў ад дыктатарскага рэжыму.