warning: Creating default object from empty value in /customers/2/d/0/bielarus.eu/httpd.www/modules/taxonomy/taxonomy.pages.inc on line 34.

БГКЦ у Антвэрпане

Беларуская Царква ў Бэльгіі

Беларуская Царква ў Бэльгіі прадстаўлена Парафіяй Сьвятога Мучаніка Язафата Полацкага і Ўваскрасеньня Хрыстовага і належыць да бізанта-каталіцкай традыцыі. Парафія знаходзіцца ў Антвэрпане па адрасу:

Heilige-Hartkerk
Lange Beeldekensstraat 22
B-2060 Antwerpen

Усталяваньне памятнай табліцы да стогодзьдзя Беларускай Дзяржаўнасьці, на магілу Раднага БНР Янкі Жучкі

Актывістамі Беларуска- Эўрапейскага Задзіночаньня была ўсталявана юбілейная каменная шыльда на магілу Раднага БНР Янкі Жучкі.

Табліца была асьвячана Сьвятаром Беларускай Грэка Каталіцкай Царквы Айцом Янам Майсейчыкам. Памятны знак быў зроблен на сродкі Радных БНР у Бельгіі і сумленных Беларусаў Бельгіі.

Памяць пра Беларусаў ствараецца іх ахвярнасьцю!

Жыве Беларусь!

Традыцыйныя Дзяды ў Бельгіі

Першага лістапада Беларусы Бельгіі ўшанавалі памяць сваіх Дзядоў на магіле вядомага кампазытара Міколы Равенскага, які пахаваны ў Лёване.

ravensky01112017.jpg

Было асьвячана надмагільле, якое ўсталявалі беларусы Бельгіі і Францыі на сродкі беларускай эміграцыі ўсяго сьвету.

Архіпастырскі візыт Экзарха ў Антвэрпан

2 сьнежня 2012 г. ў перапоўненым саборы Парыжскай Божай Маці адбылася інтранізацыя новага грэка-каталіцкага Экзарха ўладыкі Барыса Гудзяка.

Успамін Сьвятога Мучаніка Язафата, Архібіскупа Полацкага

Сёньня сьвяткуе наша Маці Сьвятая Царква ўрачыстасьць Сьвятога Мучаніка Язафата Полацкага, чыё жыцьцё было кароткім, але поўным гераізму і сьвятасьці, паслушэнства Царкве і веданьня Праўды.

Фэст у гонар Сьвятога Мучаніка Язафата Полацкага

11 лістапада Беларуская царква ў бэльгійскім горадзе Антвэрпане адзначыла сваё парафіяльнае сьвята – Дзень памяці Сьвятога Мучаніка Язафата, Архібіскупа Полацкага. Чарговы раз урачыстая Боская Літургія зграмадзіла больш за сотню вернікаў і прыяцеляў парафіі, сярод якіх і беларусы, і фламандцы, і прадстаўнікі іншых народаў, што цэняць скарб Хрыстовай веры і царкоўнай Еднасьці.

Сьвята Дзядоў у Бэльгіі

29102011-1sm1.jpgУ суботу 29 кастрычніка беларусы Бэльгіі і Францыі сабраліся разам у Беларускай Грэка-Каталіцкай царкве ў Антвэрпане, каб успомніць сваіх дзядоў і разам памаліцца за душы родных і блізкіх, а таксама за душы тых, хто аддаў сваё жыцьцё за Веру Сьвятую і незалежнасьць і свабоду роднай Бацькаўшчыны. Канешне, аддаць даніну малітоўнай памяці сваім продкам і спачылым героям прыйшлі далёка не ўсе, што аказаліся на чужыне – адчуджэньне ад традыцый свайго народу моцна засела ў сэрцах шматлікіх беларусаў. Абыякавасьць (а нярэдка і варожасьць) да старадаўняе Хрыстовае веры, да ўласнае культуры і мовы, спараджае і абыякавасьць да сваіх бацькоў, дзядоў, прашчураў. Але, як кажуць у народзе, - “Бог ня Цімошка, бачыць нямножка”, таму і застаюцца абыякавыя бяз Божага блаславеньня і пакутуюць ад сваёй жа неразважлівасьці...

ДЗЯДЫ – Дзень успаміну памерлых

У суботу 29 кастрычніка вернікі Беларускай царквы ў Анвэрпане адзначаць спаконвечнае беларускае сьвята – Дзяды. У гэты дзень аддаецца даніна памяці ўсім спачылым продкам, не толькі тым, імёны якіх захоўваюцца ў нашай памяці, але й далёкім прашчурам з сівой даўніны. Існуе павер’е, што калі хтосьці на Дзяды адведвае царкву і могілкі, запальвае зьнічык і моліцца за памерлых, то і яны адказваюць яму сваім спрыяньнем.

Парафіяльны Фэст у Беларускай Царкве ў Антвэрпане

У нядзелю 28 лістапада Беларуская Грэка-Каталіцкая Царква ў Антвэрпане адзначыць свой парафіяльны Фэст – дзень Сьвятога Мучаніка Язафата, Архібіскупа Полацкага. Сьвятар і Парафіяльная Рада запрашаюць усіх вернікаў разьдзяліць духоўную радасьць гэтай урачыстасьці. Ўрачыстая Боская Літургія адбудзецца а 12-й гадзіне ў царкве Сьвятога Сэрца Ісуса. Пасьля Літургіі усе шчыра запрашаныя на братэрскі пачастунак.

Адрас: Lange Beeldekensstraat 18-22, 2060 ANTWERPEN.

Дзяды – Сьвята ўспаміну памерлых

У нядзелю 31 кастрычніка Беларуская Царква ў Антвэрпане адзначыць Дзяды. Памінальнае Набажэнства распачнецца ў 12 гадзін. Пасьля Літургіі вернікі адправяцца ў Лёвэн на магілу выбітнага беларускага кампазытара Міколы Равенскага, дзе, паводле шматгадовай традыцыі, будзе адпраўлена Паніхіда. Жадаючых памаліцца за сваіх памерлых, а таксама за тых, хто аддаў свае жыцьці за веру, волю, незалежнасьць і памнажэньне славы Айчыны, шчыра запрашаем на Набажэнствы.

Парафіяльная Рада

Пяцідзённае Паломніцтва ў Рым і Бары

rome062010_in.jpgПа запрашэньні Кангрэгацыі Усходніх Цэркваў з нагоды завяршэньня Году Сьвятара, абвешчанага летась Сьвятым Айцом Бенэдыктам XVI-м, пробашч Беларускай Уніяцкай Парафіі Сьвятога Мучаніка Язафата Полацкага і Ўваскрасеньня Хрыстовага сьвятар Ян Майсейчык зьдзейсьніў паломніцтва ў Вечны Горад да магілаў Сьвятых Апосталаў Пятра і Паўла, Сьвятога Мучаніка Язафата, архібіскупа Полацкага і Сьвятаначальніка Міколы Цудатворцы, архібіскупа Міраў Лікійскіх, нятленныя мошчы якога спачываюць у італійск

Асьвячэньне Іконы Вялебнай Еўфрасіньні Полацкай

ikona001.jpg30 траўня ў Нядзелю Ўсіх Сьвятых ў Беларускай парафіі г. Антвэрпана пасьля Боскай Літургіі адбылося асьвячэньне новастворанай іконы вялебнай Еўфрасіньні, ігуменьні Полацкай, Асьветніцы Беларусі. Ікона была створана беларускім іконаграфам Аленай Ткачовай і дастаўлена ў Бэльгію беларускімі паломнікамі. Разам з раней напісанай іконай сьвятога мучаніка Язафата, архібіскупа Полацкага, новая ікона ўтварыла дыптых іканастасу антвэрпанскай царквы.

Беларусы ў паломніцтве на Сьвятую гору Монт

piligr001.jpgБеларуская царква ў Антвэрпане прыняла ўдзел у паломніцтве на Сьвятую гору Монт (Saint Mont) у Францыі. У першым тысячагоддзі гэтая гара месцам дыслакацыі гарнізону рымскіх легіянэраў, якія абралі яе як фарпост назіраньня за навакольлем. З цягам часу гара апусьцела і яе выбралі для пустэльніцкага подзьвігу манахі. На фундамэнтах казармаў яны збудавалі манастыр і ў суровых умовах праводзілі там сваё жыцьцё. У наш час ад манастыра засталася толькі каплічка...

Расклад Набажэнстваў у Беларускай Царкве ў Антвэрпане на Тыдзень Пакутаў і на Вялікдзень

Вербніца – Уваход Госпада ў Ерусалім:
Нядзеля 28 сакавіка а 12.00 гадз. Боская Літургія Сьв. Яна Залатавуснага і асьвячэньне вербаў;

Чысты Чацьвер – Успамін Тайнай Вячэры:
Чацьвер 1 красавіка а 19.00 гадз. Вячэрня з Літургіяй Сьв. Васіля Вялікага;

Вялікая Пятніца – Успамін Укрыжаваньня і Пакутаў Госпада:
Пятніца 2 красавіка а 18.00 гадз. Ютрань з 12-цю Евангельлямі Мукаў Госпада Ісуса Хрыста; (Набажэнства адбудзецца ў капліцы).

ПАСХА – Вялікоднае Набажэнства:
Ноч з 3 на 4 красавіка,

23.00 гадз. Паўночніца з Канонам перад Сьвятой Плашчаніцай
00.00 гадз. Вялікодная Ютрань і Літургія Сьвятога Яна Залатавуснага

Вялікае асьвячэньне вады

З нагоды сьвята Хрышчэньня Гасподняга, называнага ў народзе Вадохрышчам, у Беларускай Царкве г. Антвэрпана адбылося ўрачыстае Вялікае Асьвячэньне вады. Гэтая Богаслужба адбываецца толькі аднойчы ў год і прысьвечаная ўспаміну Хрышчэньня Госпада Ісуса Хрыста ў рацэ Ярдан. Падчас Хросту Збавіцеля адбылося аб’яўленьне Трыадзінага Бога – Айца, Сына і Сьвятога Духа. Паводле веры Царквы асьвячаная ў гэты дзень вада атрымоўвае Ласку Сьвятога Духа і набывае моц ачышчаць і здараўляць духоўныя і цялесныя хваробы, ахоўваць ад напасьцяў бачных і нябачных ворагаў, праганяць дэманаў і суцішаць пажадлівасьці, асьвячаць дамы і служыць на ўсякую асаблівую добрую патрэбу.

Асьвячэньне новых эўхарыстычных сасудаў ў Беларускай Царкве

У нядзелю 20 сьнежня ў Беларускай царкве Бэльгіі адбылося апошняе перад Калядамі літургічнае Набажэнства, пад час якога ўзносілася малітва за ўсіх дабрадзеяў парафіі. Пасьля Набажэнства адбылося асьвячэньне новых эўхарыстычных начыньняў - келіха і дыскаса, набытых дзякуючы шчодрым ахвяраваньням дабрачынцаў.

У адпушчальным слове сьвятар ад імя ўсіх вернікаў падзякаваў ахвярадаўцам за іх актыўнае спрыяньне разьвіцьцю і ўмацаваньню Беларускай Царквы і пажадаў ім жыць і далей у дабры і Божым блаславеньні многія леты.

Парафіяльная рада