You are here

Старонка рэдактара

Адкрыты ліст старшыні Рады БНР Івонкі Сурвілы да беларускага народу

Старшыня Рады БНР Івонка Сурвіла з нагоды Велікодных Сьвятаў замест віншаваньня зьвярнулася з адкрытым лістом да беларускага народу.

Навіны Беларусі: 

Велікоднае пасланьне айца Аляксандра Надсана

«Уваскрасеньня дзень! Прасьветлімся, людзі! Сёньня Пасха Гасподняя, пасха! Бо вось ад сьмерці да жыцьця і ад зямлі да неба Хрыстос Бог узьняў нас, якія пяем песьню перамогі».

Духоўнае жыцьцё: 

25-я гадавіна аварыі на Чарнобыльскай атамнай электрастанцыі

26 красавіка ў Брусэлі на плошчы Роберта Шумана мае адбыцца пікет, прысьвечаны 25-ай гадавіне аварыі на Чарнобыльскай АЭС. Акцыя мае распачацца аб 11 гадзіне.

Навіны дыяспары: 

Традыцыйнае сьвяткаваньне ўгодкаў абвяшчэньня Незалежнасьці Беларускай Дзяржавы 25 сакавіка

25-03-2011-sm.jpg26 сакавіка беларусы Бэльгіі, Францыі і Нямеччыны сабраліся разам, каб адзначыць Сьвята абвяшчэньня Беларускай Народнай Рэспублікі.

Навіны дыяспары: 

Сьвяткаваньне ўгодкаў абвяшчэньня незалежнасьці Беларускай Дзяржавы 25 сакавіка 1918-га году

У суботу 26 сакавіка Беларуска-Эўрапейскае Задзіночаньне у сулучнасьці з Раднымі БНР у Бэльгіі традыцыйна адсьвяткуе ўгодкі абвяшчэньня незалежнасьці Беларускай Народнай Рэспублікі - Дзень Волі.

Навіны дыяспары: 

Пікет салідарнасьці ў Гааге

Актывісты Беларуска-Эўрапейскага Задзіночаньня прынялі актыўны ўдзел у пікеце салідарнасьці, заарганізаваным сябрамі Фонду Абароны Дэмакратыі ў Беларусі імя Тадэвуша Касьцюшкі і актывістамі Грамадзянскай ініцыятывы « Мы памятаем». Пікет адбыўся ля будынку міжнароднага трыбунала. У мерапрыемстве таксама прынялі ўдзел пацярпелыя ў ноч 19 сьнежня. Падчас пікету былі распаўсюджаны інфармацыйныя бюлетні БЭЗ- Інфа.

Навіны Беларусі: 
Навіны дыяспары: 

Палітычная дывэрсія ў Беларусі 19 сьнежня 2010

19 снежня 2010 году ў Беларусі адбылася палітычная дыверсія, якую акупацыйны рэжым назваў прэзідэнцкімі выбарамі. У выніку актыўнае грамадства апынулася ў яшчэ большым дэмаралізаваным стане. Падрыхтоўка да гэтай дыверсіі суправаджалася перамовамі з рознымі эўрапейскімі палітыкамі, што стварала ілюзію лібералізма і надавала дыктатуры дэмакратычнае аблічча. Паралельна крамлёўская прапагандысцкая сістэма стварала выгляд, што дыктатарская сыстэма Лукашэнкі самастойная, і што крамлёўскія мафіёзі маюць жаданьне яе памяняць на больш ліберальную і менш амбіцыйную.

Пікет салідарнасьці

Актывісты Беларуска-Эўрапейскага Задзіночаньня прынялі ўдзел у акцыі заарганізаванай Беларусамі Галяндыі. Пікет быў зладжаны насупраць будынку міжнароднага трыбунала ў Гаазе. У гэтым будынку адбываліся суды над міжнароднымі злачынцамі . Месца для пікету было выбранае не выпадкова, бо пікетоўцы лічаць, што беларускі дыктатар павінен скончыць сваё палітычнае жыцьцё на лаўцы трыбуналу. Прыняць удзел у акцыі салідарнасьці прыехалі беларускія уцекачы з розных гарадоў Эўропы, якія лічаць сваім абавязкам падтрымаць усіх, хто пацярпеў ад дыктатарскага рэжыму.

Навіны Беларусі: 
Навіны дыяспары: 

Пара ставіць кропкі над "і"

Мінула 40 дзён пасьля міліцэйскага нападу на народ 19 сьнежня мінулага году ў дзень выбараў у Менску. Узурпатар задаволены сабой, хваліцца, што безь яго каманды нічога не рабілася. Словам, беспакарана любуецца тым, што натварыў.

Навіны Беларусі: 

Пікет ля будынкаў Эўраістытуцый у Брусэлі

Актывісты Беларуска-Эўрапейскага задзіночаньня прынялі актыўны ўдзел у пікеце, які быў зладжаны беларусамі розных краін Эўразьвязу. Пікетоўцы сьведчылі палітыкам Эўропы аб неабходнасьці патрабаваньня ад існуючага на Беларусі рэжыму правядзеньня новых прэзыдэнцкіх выбараў без удзелу крамлёўскага марыянеткі, які узурпаваў уладу.

Навіны дыяспары: 

АДКРЫТЫ ЛІСТ У РАДУ ЭЎРАПЕЙСКАГА ЗЬВЯЗУ

Паважаныя спадары міністры.
Цяпер у Беларусі ўжо другі месяц працягваецца хваля рэпрэсіяў супраць насельніцтва, распачатая рэжымам Лукашэнкі ў дзень выбараў прэзыдэнта 19-га сьнежня 2010 года.

Плян рэпрэсіяў рыхтаваўся задоўга да выбараў. Лукашэнка заручыўся ў гэтым падтрымкай пэўных колаў Расеі і адначасна вёў перамовы пра “прагрэс” дэмакратыі зь міністрамі замежных справаў Эўразьвязу, пагаджаючыся на дэмакратызацыю некаторых бакоў выбарчага працэсу. Кандыдатам ад апазыцыі прадставілі радыё і тэлеэфір, але адначасна, за пяць дзён да выбараў, пачаўся жорсткі і рэпрэсіўны загон выбаршчыкаў на так званае “папярэдняе галасаваньне”. Выбарчыя камісіі былі складзеныя выключна з прадстаўнікоў рэжыму, і ў дзень галасаваньня адбыліся масавыя фальсіфікацыі выбараў. У рэальнасьці Лукашэнка не набраў патрэбную колькасьць галасоў і не перамог на выбарах.

Навіны Беларусі: 
У сьвеце: 

Пікет у Страсбуры

20 студзеня актывістам Беларуска-Эўрапейскага Задзіночаньня у Францыі Паўлам Хівуком пры падтрымцы раднага Беларускай Народный Рэспублікі (БНР) быў зладжаны пікет ля будынку Эўрапарлямэнту ў Страсбуры.

У гэты дзень на сэсіі Эўрапарлямэнту прымалася рэзалюцыя па Беларусі, і таму пікет пачаўся перад самым пачаткам паседжаньня, у момант, калі эўрадэпутаты прыязджалі на паседжаньне. Падыходзячыя палітыкі з розных эўрапейскіх партый выказвалі падтрымку беларускім палітычным уцекачам, якія прысутнічалі на пікеце.

Навіны дыяспары: 

Беларусы Бельгіі за выбары без лукашэнкі

12 студзеня на плошчы Шумана ў Бруссэлю актывістамі Беларуска-Эўрапейскага Задзіночаньня быў праведзены пікет.

Навіны дыяспары: 

Байкот выбарчага фарсу

19122010-sm.jpg19 сьнежня сябрамі Беларуска-Эўрапэйскага Задзіночаньня было зладжана назіраньне за так званымі выбарамі. Беларускія актывісты Бэльгіі і Францыі на працягу 5 гадзінаў пікетавалі беларускую амбасаду ў Брусэлі.

Удзельнікі пікету мелі надпісы на вопратцы наступнага зьместу: “Народ за байкот, электарат за лукатрон”, “Мы за выбары бяз Лукашэнка”, “Галасуй не галасуй, усёроўна будзе Луй”. Сымбалічна былі прынесеныя кайданкі з шыльдаю “Падарунак для Лукі”. Акцыю беларусаў падтрымаў прадстаўнік украінскай дыяспары, які трымаў тэкст “Біларуси, схаменіться! Досить “Бацьку”!”.

Навіны Беларусі: 
Навіны дыяспары: 

З Днём Герояў

Дарагія суродзічы,

Ад імя Рады Беларускай Народнай Рэспублікі віншую вас з 90-мі ўгодкамі Слуцкага Збройнага Чыну, з нашым слаўным Днём Герояў.

Случакі, як ніхто ў нашай гісторыі, заслугоўваюць героямі звацца. Мелі яны адвагу і мужнасьць змагацца за ідэал, за волю для сваёй зямлі. Слуцкі Збройны Чын застаўся назаўсёды ў нашай памяці не таму, што ён быў збройным – зброі случакі мелі вельмі мала, -- а таму, што дзесяць тысяч беларусаў вырашылі бараніць да апошняга сваю дзяржаву. Былі гатовыя аддаць жыцьцё, каб жыла беларуская Беларусь.

Навіны Беларусі: 

Інфармацыйны пікет у Бруссэлю

Інфармацыйны  пікет у БруссэлюАктывісты Беларуска-Эўрапейскага задзіночаньня сумесна з прадстаўнікамі ўкраінскай дыяспары зладзілі інфармацыйны пікет ля будынкаў Эўраінстытуцый ў Бруссэле. [FR][ENGL]

Навіны дыяспары: 

Байкот – рэальнае дзеяньне

pazniak_sm.jpgПачалася агітацыйная частка выбарчай кампаніі. Мы агітуем за байкот фальшывых выбараў. У гэтым годзе рэжым скарыстаўся паслугамі калектыўнага спарынг-партнэра, складзенага з прадстаўнікоў падстаўной апазыцыі. Лукашэнка заклікаў грамадзтва, каб іх (партнэраў) падтрымалі і нават дапамаглі сабраць подпісы для рэгістрацыі. ЦВК на чале з адыёзнай Ярмошынай зразумелі гэта канкрэтна і, як кажуць, з апераджэньнем: усе спаборнікі (акрамя аднаго някемлівага) былі зарэгістраваныя кандыдатамі.

Навіны Беларусі: 

Паховіны Раднага БНР спадара Янкі Жучкі

pahavanne_zhuchki_sm.JPG22 лістапада Беларусы Бэльгіі праводзілі ў апошнюю дарогу свайго паважанага Янку Жучку. Для многіх з прысутных гэта быў Чалавек найвышэйшага аўтарытэту і павагі. Ад пачатку свайго жыцьця ў эміграцыі ён не на хвіліну не забываў пра сваю родную Беларусь. Ён добра памятаў слаўную гісторыю сваёй краіны і добра ведаў, хто скраў гэтую гісторыю ў Беларусаў.

Навіны Беларусі: 
Навіны дыяспары: 

Інфа пікет у Бруссэлю

Актывісты Беларуска-Эўрапейскага Задзіночаньня правядуць чарговы інфармацыйны пікет у на плошчы Шумана ў сталіцы Эўразьвяза. Пікет пачнецца а 11 гадзіне. Эўрапейскія палітыкі і жыхары Бруссэля атрымаюць інфармацыю пра чарговую выбарчую афёру беларускай дыктатуры.
Навіны дыяспары: 

Адыйшоў да Госпада Радны БНР Янка Жучка

Janka_Zhuchka_.jpgБеларускую грамаду Бэльгіі спасьцігла сумная падзея: 16 лістапада 2010 году на 83-цім годзе жыцьця адыйшоў да Госпада спадар Янка Жучка. Руплівы працаўнік на Беларускай ніве, адданы патрыёт Радны Беларускай Народнай Рэспублікі да самае свае сьмерці быў надзейным апірышчам беларускае патрыятычнае грамады Бэльгіі, якому балела душа за лёс беларусаў і Беларушчыны. На пачатку 2000-х гадоў ён быў тым, хто стаў ля вытокаў заснаваньня Беларускай Грэка-Каталіцкай парафіі ў Антвэрпане і да апошняга быў яе верным дабрадзеем і фундатарам. У асобе спадара Янкі Жучкі маладыя Беларусы, што зграмадзіліся вакол ідэяў 25 сакавіка, знайшлі Дзеда, які імкнуўся захаваць пераемнасьць пакаленьняў і зь якою багата дзяліўся сваімі ўспамінамі, перажываньнямі і мроямі. Таму ягоная сьмерць сталася глыбокаю стратаю ня толькі для сваякоў, але і для ўсяго Беларускага грамадства.

Пахаваньне сьветлай памяці спадара Янкі Жучкі адбудзецца ў панядзелак 22 лістапада на могілках Конінхсло (Koningslo).

У нядзелю 21 лістапада ў Беларускай Царкве ў Антвэрпане пасьля Боскай Літургіі будзе адпраўлена паніхіда за ягоную душу.

Навіны Беларусі: 
Навіны дыяспары: 

Парафіяльны Фэст у Беларускай Царкве ў Антвэрпане

У нядзелю 28 лістапада Беларуская Грэка-Каталіцкая Царква ў Антвэрпане адзначыць свой парафіяльны Фэст – дзень Сьвятога Мучаніка Язафата, Архібіскупа Полацкага. Сьвятар і Парафіяльная Рада запрашаюць усіх вернікаў разьдзяліць духоўную радасьць гэтай урачыстасьці. Ўрачыстая Боская Літургія адбудзецца а 12-й гадзіне ў царкве Сьвятога Сэрца Ісуса. Пасьля Літургіі усе шчыра запрашаныя на братэрскі пачастунак.

Адрас: Lange Beeldekensstraat 18-22, 2060 ANTWERPEN.

Духоўнае жыцьцё: 

Дзяды ў Бэльгіі

Беларуская грамада ў Бэльгіі традыцыйна адзначыла дзень памяці продкаў.

Пасьля памінальнай Боскай Літургіі ў Беларускай Грэка-Каталіцкай царкве ў Антвэрпане вернікі адправіліся на Лёвэнскія могілкі, дзе пахаваны вядомы беларускі кампазытар Мікола Равенскі, які спачыў у Бэльгіі ў 1953 годзе. Там, ля магілы, сьвятар Ян Майсейчык адслужыў паніхіду па сьветлай памяці спадару Міколе і ўсім памерлым, сярод якіх тыя, хто аддаў свае жыцьці за веру, волю, незалежнасьць і памнажэньне славы Айчыны. У прамоўным слове пасьля малітвы радны БНР Зьміцер Піменаў ўспомніў усіх кіраўнікоў Беларускай Народнай Рэспублікі.

Памінаньне Дзядоў скончылася сьпевам беларускага духоўнага гімну “Магутны Божа” і братэрскай трапезай, рупліва падрыхтаванай рукамі беларускіх гаспадыняў.

Навіны дыяспары: 

Дзяды – Сьвята ўспаміну памерлых

У нядзелю 31 кастрычніка Беларуская Царква ў Антвэрпане адзначыць Дзяды. Памінальнае Набажэнства распачнецца ў 12 гадзін. Пасьля Літургіі вернікі адправяцца ў Лёвэн на магілу выбітнага беларускага кампазытара Міколы Равенскага, дзе, паводле шматгадовай традыцыі, будзе адпраўлена Паніхіда. Жадаючых памаліцца за сваіх памерлых, а таксама за тых, хто аддаў свае жыцьці за веру, волю, незалежнасьць і памнажэньне славы Айчыны, шчыра запрашаем на Набажэнствы.

Парафіяльная Рада

Духоўнае жыцьцё: 

Дзень беларускай салідарнасьці

У Гаазе 16 кастрычніка сябры Беларуска-Эўрапейскага Задзіночаньня Бэльгіі і Францыі пры падтрымцы раднага БНР Зьмітра Піменава, прынялі ўдзел ў пікеце салідарнасьці, арганізаванага грамадзкай ініцыятывай «Мы памятаем». Падчас акцыі адбыўся распаўсюд чарговага інфабюлетня.
Навіны Беларусі: 
Навіны дыяспары: 

Акцыя пратэсту ля беларускай амбасады ў Бруссэлі

brussel20092010sm.jpg17 верасьня быў арыштаваны і беспадстаўна збіты беларускі актывіст і каардынатар стваранай партыі «Беларуская хрысьціянская дэмакратыя» па Гомельскай вобласьці Кастусь Жукоўскі.

Навіны дыяспары: 

Страницы