You are here

Юбілейная трыццатая Сэсія Рады БНР

23 лістапада ў Вільні прайшла юбілейная трыццатая Сэсія Рады БНР. Былі прадстаўленыя беларускія асяродкі ЗША, Бэльгіі, Вялікай Брытаніі, Канады, Латвіі, Літоўскай Рэспублікі, Польшчы, Расеі, Чэхіі і Эстоніі.

23112019-1.jpg

Перад Сэсіяй адбылася нарада падпісантаў Віленскага мэмарандуму 2012 г. з удзелам беларускіх грамадзкіх лідараў і кіраўнікоў галоўных палітычных партый і арганізацый Беларусі, у тым ліку Юрася Беленькага, Вінцука Вячоркі, Францішка Вячоркі, Рыгора Кастусёва, Анатоля Лябедзькі, Вячаслава Сіўчыка, Аляксея Янукевіча.

Была абмеркаваная палітычная сытуацыя ў Беларусі і пагроза незалежнасьці ў кантэксьце падпісаньня пагадненьняў між афіцыйным Менскам і Крамлём, заплянаванага на 8 сьнежня.

У склад Прэзыдыюму Рады БНР і на пасаду Сакратара Рады была прынятая доктар Паліна Прысмакова з ЗША. Валеры Дворнік з ЗША прыняты на пасаду скарбніка.

Былі ўручаныя некалькі Мэдалёў да стагодзьдзя БНР.

23112019-22.jpg

23112019-2.jpg

Кіраўніцтва Рады БНР таксама ўзяло ўдзел у набажэнстве, якое ў Базыльянскіх мурох правёў галава беларускіх грэка-каталікоў Сяргей Гаек.

23112019-3.jpg

Рада БНР

Навіны Беларусі: 
Навіны дыяспары: 
Духоўнае жыцьцё: