Старонка рэдактара

НАПАМІН

large_1521897778_12.jpg Мушу нагадаць вядомую праўду, бо яна вартая напамінаньня. Найвялікшым злачынцам зьяўляецца той правіцель, які дзеля вырашэньня ўнутраных супярэчнасьцяў у дзяржаве запрашае на дапамогу ў краіну чужое войска.

Такі правіцель дае магчымасьць ворагу акупаваць не гатовую да абароны краіну без аб'яўленьня вайны і дазваляе яму пазьбегнуць міжнароднай адказнасьці за злачын акупацыі.

Гісторыя поўніцца тыповымі прыкладамі і амаль усе яны зьвязаныя з Масквой. (Тут і Таргавіца, і акупацыя Прыбалтыкі, і Казахстан).

Грэблівыя азначэньні выклікаюць таксама халуйскія падзельнікі такога роду агрэсіі, якімі маскуецца агрэсар. Але ў гісторыі, на жаль, ніхто ня вучыцца. І ўсё паўтараецца.

Зянон ПАЗЬНЯК
8 студзень 2022

Навіны Беларусі:

У сьвеце:

У СЛАВУ БОГА І БЕЛАРУСІ

ksp180.jpgСёньня, 7-га студзеня, вернікі Беларускай Аўтакефальнай Праваслаўнай Царквы адзначаюць сьвята Нараджэньня Хрыста. Віншую са сьвятам. Хрыстос нарадзіўся!

Якраз з нагоды гэтага Дня прыемная навіна. Сярод беларусаў паціху нараджаецца асаблівая ахвярная традыцыя -- пасьвячэньне рэліквіі Крыжа сьвятой Эўфрасіньні Полацкай. Вядома ня так даўно, што зроблена копія гэтага скрадзенага маскоўцамі знакамітага Крыжа, у якім па легендзе схавана шчасьце Беларусі. Гэта, як ба наш Грааль.

Адшумелі паведамленьні пра аднаўленьне вобраза рэліквіі, але справа не спынілася. Узьнікаюць новыя ініцыятывы зрабіць копію знакамітага Крыжа. І гэта як бы пасьвячэньне ў працы Богу і Беларусі.

Доўгі час я спатыкаў у Саборы сьвятога Кірылы Тураўскага ў Нью-Ёрку засяроджанага чалавека, які штодзень спакойна нешта рабіў у майстэрні. Мінуў час, і неўзабаве гэты чалавек дорыць Сабору ў адмысловым акладзе дасканала зробленую копію Крыжа сьвятой Еўфрасіньні Полацкай. І ніякіх слоў, ніякай гучнасьці. Ціха зрабіў найскладанейшую мастацкую справу і пасьвяціў царкве. Людзі ўдзячныя, і Бог не забудзе.

Навіны Беларусі:

Духоўнае жыцьцё:

РУКІ ПРЭЧ АД КАЗАХСТАНА!

large_1521897778_12.jpg Казахі паўсталі за лепшую долю. Падтрымліваем казахскі народ у ягонай барацьбе з аджылай дыктатурай і здрадай, падтрымліваем у змаганьні за Айчыну і свабоду.

Бунт і расстрэлы людзей у Казахстане -- гэта, перш за ўсё, праявы агрэсіўнай палітыкі Масквы, змовы Пуціна і Такаева.

Пуцінскі і лукашысцкі рэжымы, а таксама залежныя ад Расеі рэжымы Арменіі, Кіргізстана і Таджыкістана, паслалі войскі ў Казахстан і выступілі ў ролі калектыўнага агрэсара і інтэрвента. Наш адказ: рукі прэч ад Казахстана!

Што датычыць менскага сатрапа, які самавольна паслаў беларускае войска ваяваць у Казахстан, мы павінны адзначыць тут грубае парушэньне законнай Канстытуцыі Беларусі. Беларускае войска ня мае права ўмешвацца ва ўнутраныя канфлікты іншых краін. Антыпраўны ўчынак Лукашэнкі кладзецца чарговай улікай у сьпіс злачынстваў гэтай асобы перад народам Беларусі, гэтак жа, як і адказнасьць яго за сьмерць людзей, якіх ён паслаў у Казахстан паміраць за інтарэсы маскоўскай клікі Пуціна.

Беларускія войскі мусяць быць адкліканыя з Казахстана і вернутыя ў Беларусь.

Навіны Беларусі:

Навіны дыяспары:

У сьвеце:

Cяргей Навумчык. ПРА ГАЛОЎНАЕ

sn_180.jpgМагчыма, гэта самы важны мой тэкст за апошнія часы, калі не лічыць кнігі — па памеры ён меншы за кнігу, але таксама не малы).

Тое, што аналізуюцца дзеяньні палітыкаў і палітычных актывістаў (ці праз 30 гадоў, калі мы кажам пра пачатак 1990-х, ці праз год, калі мы прыгадваем жнівень 2020-га) — гэта нармальна.

Мусяць быць толькі дзьве ўмовы: а) абапірацца трэба на факты, а не на фантазіі (кшталту, што «Пазьняк хацеў усіх прымусіць размаўляць па-беларуску» ці што «БНФ прагледзеў Лукашэнку» (насмарэч, дэпутаты Апазыцыі БНФ ужо ў 1993 патрабавалі пазбавіць Лукашэнку дэпутацкага мандату, але Шушкевіч нават не паставіў гэта на галасаваньне); б) трэба ўлічваць тагачасныя рэаліі (а не прыдумляць папрокі тыпу «БНФ мусіў аб’яднацца з Кебічам і наменклатурай, каб не прапусьціць Лукашэнку» (калі б я такое прапанаваў у якім 1992, мяне б разарвалі на часткі — як сёньня разарвуць таго, хто прапануе абʼяднацца з Лукашэнкам).

Навіны Беларусі:

КАРОТКІЯ ЗАЦЕМКІ АБ РАСКЛАДЗЕ СІЛ (Ліст да адраджэнцаў Беларусі)

large_1521897778_12.jpg Іміграцыю за часы існаваньня СССР (і цяпер пуцінскай Расеі, што ў плане палітычным, фактычна, адно і тое) татальна выкарыстоўваў КГБ для засылкі агентуры на Захад. За саветамі КГБ найбольш агентурна скарыстаў масавую габрэйскую іміграцыю ў Амэрыку і Ізраіль. Пасьля 1991 года гэтая апэрацыя пайшла прахам, спарадзіўшы сэрыю выкрывальных публікацыяў засланай агентуры, якая адчула сябе нікому не абавязанай.

У 2010 годзе (пасьля лукашысцкага пагрому беларускай грамадзянскай супольнасьці і хвалі антыбеларускіх рэпрэсій) сотні палітычных імігрантаў-беларусаў хлынулі ў суседнія краіны. Гэбоўска-эфэсбоўская агентура таксама паплыла на той хвалі. Яна атабарылася найбольш у Польшчы і Вялікабрытаніі. З нацыянальна-дэмакратычнай беларускай эміграцыяй гэтыя людзі ў кантакт не ўступалі, але і не выяўлялі адкрытай варожасьці. Сваю дзейнасьць (на рускай мове) абмяжоўвалі рэзкай крытыкай рэжыму Лукашэнкі (называючы яго ўладу "белорусский режим") і замоўчвалі інфармацыю аб антыбеларускай ролі Масквы.

Цяперашняя хваля іміграцыі больш масавая (накіраваная ў асноўным на Польшчу, Украіну, Летуву і ЗША) мае іншы характар. У значнай частцы гэта людзі з сьвядомасьцю "рускага сьвету", вырашчанага ў лукашысцкай Беларусі (дакладней, "каланіяльнага сьвету", арыентаванага на Расею). Яны шукаюць тут "русских школ", "русских врачей", "русского языка" і г. д.

Навіны Беларусі:

Навіны дыяспары:

У сьвеце:

ВІНШАВАНЬНЕ З НОВЫМ 2022 ГОДАМ У ЦЯЖКІМ ЧАСЕ

large_1521897778_12.jpg Усім беларусам, якія схоплены ў палон прамаскоўскім рэжымам і кінутыя ў турму за краты на пакуты і зьдзек за тое, што яны беларусы, і тым, што пад чужой уладай жывуць у турме бяз кратаў, зычу ў новым 2022 годзе ўбачыць Беларусь вольнай і быць у свабодзе.

Трымайцеся і мужайцеся, мацуйцеся духам. Беларусь ведае пра вас і не забудзе гісторыя барацьбы за волю і вольную нацыю.

Ёсьць за кратамі розныя людзі, нават тыя, што блудзілі ў Расеі і спадзяваліся на Маскву. Але Масква іх здала цемрашалу, бо маніпулявала і гуляла ў свае інтарэсы. Дзеля гэтых вязьняў скажу:

- Сябры, братове, вы беларусы, за вамі наш беларускі род. Кідайце глядзець на Маскву. Расея наш вораг, вораг свабоды і ўсяго чалавецтва. З Масквою нельга дружыць, бо яна рыхтуе нам народную сьмерць. З Масквою трэба змагацца, бо толькі змагаючыся - пераможам зло.

Беларусь - наша сьвятая зямля. Шануйма нашу зямлю і свабоду. Шануйма нашу вялікую Беларускую мову, наш Хрыстовы Бел-Чырвона-Белы сьцяг і гэрб "Пагоня". Вяртаймася да вытокаў, да нашых карэньняў, да нашай народнай сутнасьці і вялікай культуры, гаварэм па-беларуску ўсюды, дзе мы ёсьць, любем нашу Айчыну і наш народ, не аддавайма яго на рабунак маскоўскай ардзе.

Тыя, што хлусяць народу і за юдавы грошы хваляць чужых, тыя, што наклікаюць бяду на краіну ды кажуць, што "Пуцін мудрэц" і Расея ім друг, - гэта здраднікі нацыі, якія набліжаюць вайну, клічуць гора людзей і расейскі захоп.

Навіны Беларусі:

Навіны дыяспары:

ХРЫСТОС НАРАДЗІЎСЯ!

24122021Надыходзіць вялікае Хрысьціянскае сьвята Нараджэньне Хрыстова. Віншую сяброў і ўсіх беларусаў. Вечарам 24 сьнежня людзі зьбіраюцца за сьвяточным сталом на Куцьцю, моляцца, ламаюць і дзеляцца аплаткамі, сьпяваюць калядныя песьні дзеля Нараджэньня Хрыста -- Бога, у вобразе чалавека.

Гэта ёсьць сьветазарная найвялікшая падзея -- зьяўленьне Таго, Хто адчыніў людзям дарогу ў Вечнасьць, паказаў веліч чалавека, якую ён можа дасягнуць шляхам веры, любові, цярпеньня і рабленьня дабра.

Дзеля Вечнасьці і свабоды людзей, дзеля збаўленьня чалавецтва ад сьмерці і зла, Хрыстос прынёс у ахвяру зямное Сваё жыцьцё, зазнаўшы пакуты на сьмяротным Крыжы як жывы чалавек.

Зямное жыцьцё Ісуса Хрыста ў сакральнасьці зьяў -- гэта як маланка, што апярэзвае неба з усходу на захад. Яно адбілася сімвалам у памяці нашчадкаў, як чырвоны струмень у белым сьвятле.

Вайсковая прысяга 8 верасьня 1992

Унікальныя архіўныя кадры прысягі на вернасьць Беларусі ў дзень вайсковай славы 8 верасьня 1992.

Аўтар відэа — Сяргей Чырык

Навіны Беларусі:

НЯ БУДЗЕ ВАР'ЯТ ПЛЯВАЦЬ У ТВАР УСЁЙ НАЦЫІ

large_1521897778_12.jpgПісьменьнік Артур Клінаў даў інтэрв'ю інтэрнэт-парталу "Свабода" і выказаў думку, што беларусы павінны йсьці на дыялог і кампраміс з бандыцкім рэжымам, каб уратаваць незалежнасьць, дзяржаву, нацыю і культуру.

Думка пісьменьніка выклікала розгалас, таму лічу патрэбным выказаць палітычную ацэнку гэтай думцы. Беларусы мусяць рэальна ўяўляць, пра што гавораць.

Найперш адзначу гуманістычную і патрыятычную матывацыю выступу спадара Клінава, характэрную ўвогуле для творчых людзей культуры. Але, на жаль, сітуацыя, якую разглядае шаноўны пісьменьнік, не належыць ні да гуманістычнай, ні да патрыятычнай, ні, тым больш, да юрыдычнай сфэры. Яна выйшла за межы гэтых паняцьцяў і на іх узроўні невырашальная. Прапанова аб дыялогу ў дадзенай сітуацыі супярэчыць элемэнтарным асновам паліталогіі, якія зьяўляюцца аксіёмамі.

"Дыялог" апазыцыйных беларусаў з антыбеларускім рэжымам тут, у прынцыпе, немагчымы. І вось чаму. Для дыялогу (перамоваў) паміж праціўнікамі мусіць быць пэўная раўнавага сілаў, гэта значыць кожны з бакоў мусіць мець сродкі ўплыву на дзеяньні іншага боку. (Такімі сродкамі, напрыклад, валодае Эўразьвяз.)

Навіны Беларусі:

У сьвеце:

Пікет у Бруселі каля будынка Еўрапарламента

Падчас саміту “Усходняга партнёрства” беларуская дыяспара Бельгіі правяла пікет у Бруселі на плошчы Люксембург побач з будынкам Еўрапарламента. Мэта пікету – звярнуць увагу на праблемы ў Беларусі.

15122021-1.jpg

Каля 20 удзельнікаў пікету трымалі плакаты ў падтрымку палітзняволеных. Пікетоўцы нагадалі еўрачыноўнікам, што асноўнае зло Беларусі – у Крамлі, а дыктатар Лукашэнка – пешка ў руках расейскага дыктатара Пуціна.

Навіны Беларусі:

Навіны дыяспары:

У сьвеце:

ЗАЎВАГІ ПА СУТНАСЬЦІ "АПАЗЫЦЫЙНАЙ" ПАЛІТЫКІ, ЯКІЯ ТРЭБА ЎЛІЧВАЦЬ

large_1521897778_12.jpgГенацыд і рэпрэсіі прымусілі шмат якіх беларусаў падняць галаву і пацікавіцца, што робіцца. ДэмСМІ і лукашысцкае тэлебачаньне даюць ім гатовыя адказы, зноў клічуць на свой рэфэрэндум, называюць Ціханоўскую апазыцыяй і глядзяць на Пуціна.

Думаньне паводле СМІ сталася для некаторых беларусаў, на жаль, думаньнем паводле ілжы. Але што на справе? На справе ў 2019-2020 гг. Масква ўзмацніла сваю палітыку па падпарадкаваньні Беларусі і падрыхтоўку да будучай анэксіі нашай краіны.

Узьнікла праблема зь верным маскоўскім сатрапам Лукашэнкам, які заўсёды гатовы быў падтрымліваць і ажыцьцяўляць імпэрскую палітыку Крамля ў Беларусі, але заўсёды хацеў бы заставацца абсалютным і самастойным дыктатарам у сваім бастыёне.

Навіны Беларусі:

У сьвеце:

Пікет ля будынка Эўрапараламента

Актывісты беларускай эміграцыі правялі чарговы пікет. Пікет адбыўся у дзень правядзення саміту ""Усходняе партнёрства".

20211215_11.jpg

Навіны Беларусі:

Навіны дыяспары:

У сьвеце:

ЗАЦЕМКІ ПРА НАЦЫЮ І СВАБОДУ

large_1521897778_12.jpgСпачатку ўзьнікае ўсьведамленьне сваіх і чужых. Потым зьяўляецца сьведамасьць агульнай мовы і тэрыторыі. Затым настае дзеяньне па забесьпячэньні парадку і свабоды дзеля жыцьця кожнага і для ўсіх сваіх. Фармуецца нацыянальная ідэялогія. Ствараецца нацыянальная дзяржава. Тут схема ўтварэньня нацыі.

Асобным чыньнікам у гэтым разьвіцьці ёсьць рэлігія. Яна ўлучана ў працэс жыцьця нацыі і адыгрывае кансалідуючую ролю. Калі рэлігія ня ўлучана ў нацыянальны працэс, тады нацыя можа страціць свабоду альбо нават яе не здабыць. Пэрыяд утварэньня нацыяў – XVIII -- пачатак XX-га стагоддзяў.

Пікет у Брусэлі

15 снежня у Брусэлі на плошчы Люксембург (Luxemburgplein) адбудзецца пікет салідарнасьці з беларускім народам які змагаецца за сваю Незалежнасць і свабоду. Пачатак ад 11 гадзіны.

luxemburg_pl.jpg

Запрашаюцца ўсе, хто лічыць крамлёўскіх тэрарыстаў галоўнай прычынай вайны і гвалту ў свеце.
Пікет арганізоўваецца актывістамі Беларуска Эўрапейскага Задзіночаньня.

Навіны Беларусі:

Навіны дыяспары:

У Бруселі ўкраінцы і беларусы зладзілі антыімперскі пікет

razam_1.jpg
3 снежня прадстаўнікі ўкраінскай студэнцкай моладзі, да якіх далучыліся таксама беларусы, правялі ў Бруселі пікет супраць імперскай і захопніцкай палітыкі маскоўскага Крамля. Пікет праходзіў побач з галоўным уваходам у будынак Еўракамісіі. Плошча Шумана, на якой раней праходзілі падобныя пікеты, зараз у перадкалядны перыяд закрытая.

263237048_4984304664914254_3271338150743916699_n.jpg

АБ ПРАМАСКОЎСКАЙ АПАЗЫЦЫІ І ЯЕ ШКОДНАСЬЦІ

large_1521897778_12.jpgПасьля 25 жніўня 1991 года пытаньне разьмежаваньня незалежнай Беларусі з Савецкім Саюзам (а дакладней, з Расеяй і з усімі суб'ектамі Саюза) было вырашана разумна. За аснову падзелу быў узяты нулявы варыянт. Гэта значыць, што ўсё, што было на тэрыторыі і ў гаспадарцы савецкай Рэспублікі, застаецца яе нацыянальнай уласнасьцю. Ніхто нікому не павінен, кожны самастойны. Са зьнешнім доўгам СССР таксама парадзілі. (Праўда, пры падзеле Беларусь тут прайграла, але па волі сваіх бесталковых чыноўнікаў.) Словам, пачыналі стартаваць з таго, што ёсьць і было. У Беларусі склаліся тады, бадай што, найлепшыя стартавыя ўмовы.

Праз пару гадоў праўленьня старой камуністычнай намэнклатуры (якая засталася пры ўладзе) Беларусь страціла свае перавагі (пакралі ды змарнавалі). Урад Кебіча, па сваёй савецкай звычцы і халуйскай каланіяльнай прыродзе, вырашыў ісьці ў кабалу (аб'яднаньне) пад Расею, бо ў іх, маўляў, нафта і газ. Пачалі аб'ядноўваць грашовыя сістэмы. Кебічаўскія ідыёты хацелі ўвесьці ў Беларусі расейскі рубель і "фінансава" аб'яднацца. З гэтай мэтай арганізавалі прэзыдэнцкія выбары пад Кебіча, які павінен быў правесьці і завяршыць "аб'яднаньне".

ЯК БЕЛАРУСЬ ПІХАЮЦЬ У КАБАЛУ, АБО ХТО ІГНАРУЕ КАНФЛІКТЫ ІНТАРЭСАЎ

racija.jpgНа Беларусь насоўваецца рэйдарскі захоп. Расія са свядомай ці бессвядомай дапамогай іншых краін і беларускага альянсу карысных ідыётаў і простых здраднікаў заганяе яе ў кабалу, даўгавую яму, прымушаючы яе адмовіцца ад фармальнага і фактычнага суверэнітэту.

З аднаго боку гэта вынікае з аналізу бягучых падзей, і апаненты, як заўжды, могуць запярэчыць, маўляў, што вы фарбы згушчаеце, канспіралогія нейкая, і ўвогуле гэта не краіну душаць, а рэжым Лукашэнкі. Але з другога боку, гэтыя падзеі прагназаваліся тым, хто якраз супраць дыктатара Лукашэнкі, хто апісваў гэтыя падзеі як рэйдарскі захоп менавіта краіны і, больш таго, хто адрасаваў гэта як папярэджанне самому Лукашэнку. Задушэнне Беларусі фінансава-эканамічнымі метадамі як найбольш перспектыўны варыянт расійскага аншлюсу апісваў Уладзімір Мацкевіч. І калі вораг сапраўды пачынае карыстацца брэшамі ў абароне дзяржавы, якія ласкава апісаў Мацкевіч, то не выпадае рабіць выгляд, што ён меў на ўвазе іншае. І калі нехта ў супадзенні змагання з рэжымам і змагання з краінай выбірае не заўважаць змагання з краінай, то ён здраднік сваёй краіны.

Навіны Беларусі:

СЛУЦКАЯ АБАРОНА АЙЧЫНЫ

large_246476919_398595518469434_4135591272122503389_n.jpg26-27 лістапада 1920 года Слуцкія аддзелы Беларускага дабраахвотнага войска БНР распачалі збройную апэрацыю супраць бальшавіцкай акупацыйнай арды.

У кастрычніку 1920 года Слуцк і Случчына у выніку польска-расейскага ваеннага замірэньня апынуліся ў нэўтральнай зоне перад наступаючымі бальшавікамі. Тэрмінова быў скліканы Зьезд Случчыны, які прыняў рашэньне стварыць войска і абараняць тэрыторыю Беларускай Народнай Рэспублікі ад бальшавікоў. За тры дні на зборны пункт зьявіліся дзесяць тысячаў дабраахвотнікаў. Але недахоп зброі і амуніцыі не дазволіў і на палову выкарыстаць гэты рэсурс. Балі створаныя два палкі ў складзе Слуцкай брыгады, адразу арганізаваны ваенны суд і шпіталь.

Энтузіязм людзей, каб адстаяць сваю зямлю і волю, быў вельмі высокі. Бацькі самы выпраўлялі на бой сваіх сыноў.

Навіны Беларусі:

ШКОДНАЯ РЫТОРЫКА КВАЗІ-АПАЗЫЦЫІ Ў БЛІСКУЧАЙ АБГОРТЦЫ

large_1521897778_12.jpg Ціханоўскую запрасілі ў Стразбург на выступ ў Эўрапарляманце. Асноўнае мотта выступу -- просьба поўнасьцю заблякаваць краіну Беларусь: эканамічныя санкцыі, ні гандлю, ні інвэстыцый, ні кантактаў, нават ні спорту, ні спаборніцтваў. Для народа гэта галеча. Для Лукашэнкі -- Расея, куды рэжым пацягне ўсю Беларусь.

Такіх прысутных у палітыцы аматараў санкцый і эканамічных блакад для краіны называюць карыснымі ідыётамі. Пуцін пацірае ручкі. Шлюз для Беларусі ў Расею павялічвецца. Крок ў лева, крок ў права -- толькі ў Маскву. "Саюз" вар'ятаў мацнее. Эўрабюракратыя сустракае гэтую рыторыку ў эўрасьценах з энтузіязмам, а "дэмсмі" з радасьцю. Праўда, тут толькі рыторыка (і не дармовая), але маслам у крамлёўскія душы.

Навіны Беларусі:

Навіны дыяспары:

ПАЎТОР ПРАВАКАЦЫІ

large_1521897778_12.jpg Збой фальсіфікацыйнай машыны галасаваньня можа выклікаць ў Беларусі толькі байкот, непрыход на выбарчыя ўчасткі для галасаваньня. Непрыход відочная зьява, факт, які фіксуецца, які схаваць цяжка нават пры элемэнтарным назіраньні. Фальсіфікацыя колькасьці прагаласаваных пры непрыходзе на ўчасткі, доказна выяўляецца і правяраецца (у адрозьненьні ад разьмеркаваньня і характару галасоў, калі галасуюць тайна). Непрыход на ўчасткі даказваецца яўна і рэальна, збайкатаванае галасаваньне ня можа быць прызнаным. Гэта важна ў лёсавызначальных пытаньнях і цягне за сабой высновы, якія падвешваюць рэжым у юрыдычным вакууме і дапамагаюць здаровым сілам змагацца з дыктатурай.

Навіны Беларусі:

Дзяніс Івашын: На нашых вачах адбылося сапраўднае ўспалымленне Нацыі

large_ivashin_vilno1_0.jpg На гэты артыкул Дзяніса Івашына натхнілі падзеі 22 лістапада 2019 года, калі ў Вільні прайшло перапахаванне парэшткаў удзельнікаў вызвольнага паўстання Кастуся Каліноўскага. З 12 сакавіка 2021 года наш калега за кратамі, яму пагражае да 15 гадоў зняволення — за тое, што любіў Беларусь і жадаў, каб яна была вольнай і незалежнай. Радкі, напісаныя ім тады, дзіўным чынам перагукаюцца з цяперашнім часам.

На працягу апошніх дзесяцігоддзяў Беларусь знаходзіцца ў эканамічным, сацыяпалітычным і гуманітарна-культурніцкім посткаланіяльным становішчы, пры якім нацыянальная ідэнтычнасць з боку дзяржавы не развіваецца, але ўтрымліваецца ў штучна створаным стазісе. Для польскай і летувіскай нацыяў — сцверджаных і інтэграваных у Заходнюю цывілізацыю — пытанні нацыянальнага выжывання і развіцця на сёння не маюць падобнага архіважнага значэння як для беларускай. Ані польскай, ані летувіскай нацыі, у адрозненні ад беларускай, зараз істотна не пагражаюць паглынанне і пераварванне ў межах новай мадыфікацыі расійскага імперскага ўтварэння. Менавіта гэтым можна патлумачыць шматколькасную прысутнасць і дамінаванне беларускіх удзельнікаў на цырымоніі пахавання.

Навіны Беларусі:

У сьвеце:

ПРА БАЙКОТ РЭЖЫМНЫАМУ РЭФЭРЭНДУМУ

Увага СМІ і палітыкаў пераключылася на іміграцыйную атаку арабскіх вандроўнікаў на польскую мяжу з тэрыторыі Беларусі. Рэжым Лукашэнкі пры падтрымцы Крамля праводзіць небясьпечную авантуру на межах з суседзямі. А тым часам разбурэньне краіны, русіфікацыя і фактычная акупацыя Беларусі ідзе сваім ходам. Тысячы людзей у турмах, дзе патрыятычных беларусаў катуюць асабліва жорстка. large_1521897778_12.jpg
Працягваюцца розныя рэпрэсіўныя формы генацыду. Беларусаў арыштоўваюць нават за "падабайку" у сацсетках, калі тэма неадпавядае фашысцкаму рэжыму Лукашэнкі. Пазачынялі нават лаяльныя для рэжыму рэдакцыі СМІ і наклеіваюць ім ярлыкі "экстрэмісцкіх", дзеля апраўданьня арыштаў і перасьледу. Усё культурнае беларускае, нацыянальна-асьветніцкае зьняважліва абзываюць рознымі палітычнымі наклейкамі, зачыняюць і ліквідуюць, супрацоўнікаў перасьледуюць. Толькі што ліквідавалі Таварыства Беларускай Мовы, Таварыства Беларускай Школы, зачынілі чарговыя бізнэсы і арганізацыі, якія яшчэ існавалі.

Навіны Беларусі:

Навіны дыяспары:

У сьвеце:

Духоўнае жыцьцё:

КВАЗІ-СТРАЙК, ПСЭЎДА-АПАЗЫЦЫЯ, ЗДРАДА ЛУКАШЭНКІ

large_1521897778_12.jpgТолькі беларуская нацыянальна-вызвольная сіла, толькі беларускі нацыянальны адраджэнскі дэмакратычны рух, толькі сьведамая нацыянальная палітыка можа забясьпечыць вольную будучыню вольнай Беларусі. Хто спадзяецца на іншых -- ня майце ілюзій.

Гуртуймася ў рух «Вольная Беларусь». Стварайма падземную Беларускую Вызвольную Армію.

Цяперашняя апазыцыя, раскручаная ў канфармісцкіх мэдыях (групоўкі вакол Латушкі, Ціханоўскай і інш.), -- гэта праява і ўвасабленьне маскоўскай палітыкі, прарасейскай рыторыкі і шкодных дзеяньняў для Беларускай нацыі і незалежнай Беларусі. Дэманстрацыя барацьбы (замест рэальнай барацьбы), выяўленьне аднабокага, залежнага ад чужых уплываў пратэсту, зварот да чужых сілаў і чужой палітыкі насуперак нацыянальным інтарэсам ёсьць характэрнай дзейнасьцю псэўдаапазыцыі.

Формай палітыкі псэўдаапазыцыі (а на справе -- сутнасьцю) зьяўляецца імітацыя, прафанацыя, фальш і хлусьня. Зьвязана тое з дабраахвотнай фінансава-палітычнай залежнасьцю ад чужой улады і чужых структур, абумоўлена адсутнасьцю беларускіх палітычных ідэалаў і беларускіх нацыянальных інтарэсаў.

Навіны Беларусі:

Навіны дыяспары:

У сьвеце:

Дзяды ў Бельгіі

31 лістапада ў Беларускай Грэка Каталіцкай Царкве ў Антверпане адбылося памінальная набажэнства і асьвячэньне крыжа пакутнага у гонар Героя Вітольда Ашурка, які быў замучаны да смерці ў турме. Усе прысутныя маліліся за памяць забітых і замучаных таталітарным рэжымам!
Вечная памяць!

31102021-1.jpg

Навіны дыяспары:

Духоўнае жыцьцё:

Страницы

Subscribe to RSS - Старонка рэдактара